الأربعاء، 25 نوفمبر 2015
الأحد، 13 أكتوبر 2013
الأحد، 1 سبتمبر 2013
حنين _________ بهاء توفيق
تنزف مطرها فـ دمنا
ييجى الحنين ويشدنا من نفسنا ….
فنخاف علينا من الغرق
الصمت اقوى من الكلام …. فيلفنا
نسكت فيبلعنا القلق
صوت المطر بيفكر القلب بعرق
نعرق فنعطش نستحى نطلب رجوع
فنبل ريق الفكر بشوية دموع
يلفحنا برد السكة نبدأ نرتجف
ونحس جوع الجتة لشوية دفا
نبعت لشمس الذاكرة …. فتصدنا
وتردنا من غير دفا
باين عليها الشمس مش بتحبنا …!!
امال غناوى الضى بتسافر لفين ….؟؟
وبترتمى على صدر مين …؟؟
واحنا اللى اللى كنا من عيون الشمس دايما نحترس
……………….
………………
لحظة حداد على قبر فارس مات على ضهر الفرس
………………
………………
الارض فرض فـ سعيها
واحنا اتخنقنا من الشلل ومن الخرس …
ومن الاوامر......
فندور نلملم حلمنا مع صبرنا ونلضمة سبحة خرز
ونقوم فنطلق من بخور الحب بستان الطيابة
نبدر بذور الابتسام
تطرح سنابل ضحك اصفى من سمانا ف شهر بابه
يااااااااااااه …. انا نفسى مفتوحة النهارده للكتابة
انا نفسى اخلص من همومى وشكوتى
وابدأ هديلى مع الحمام مغرم صبابة
من فضلكم…..
انا خدت من نفسى النهاردة اجازة
وتكلمونى عن اللى كان
وترجعونى لازمتى زلزلتى ولغربتى
ولكل اوجاع الزمان
دانا نفسى مفتوحة النهارة للكتابة
انا نفسى مفتوحة النهاردة للكتابة
خدنى فـ باطك ....!! _________ بهاء توفيق
السبت، 31 أغسطس 2013
••• هياها نفس المِحن ••• بهاء توفيق
وبأمر مين نضحك زعل والضحكة يغلبها البكا ..؟؟
أمرك عجيب يا موريانى الفرحة فيلم ...
ومعيشانى الحق حلم ...
ومطفشانى من سنين ظلمك لظلم ...
ومفهمانى عشان أعيش لازم أطاطى
عايزانى وقت الذل أخرس أو أخاف وأجر واطى
عايزانى كيف وانا بتسحل اخدك فى باطى ؟؟؟
لسه الديدان سارحين على بدنك بيبنوا ألف عش
لسه الطريق مفروشة غش ف غش
لسه عيالك ع القهاوى وع الرصيف بتنش
وكلاب كلابك لبسوا نفس الوش
من كام سنة سيبانى أشكى بلوتى
طب كام سنة هفضل أدش ؟؟؟
ملعون ابوكى يا كارهة للتغيير
يا بير بيسقى الغير ...
وانا بس ليه ماشاربش
عطشان بطول عمرى .... وانتى مبتحسيش
ركنانى ع الهامش أهش وانش
يا محرمانى أعيش ...
ومحرمانى أموت ...
عايزانى بين البينين أفضل كده ...!!
طب اعمل ايه ما قادرش
جسدى النحيل من طعنتك بيكش
يا معلمانى الشحاتة فوق رصيف القهر
عايزانى ليه مفضوح ...
أمشى ف طريق العهر
حتى الغسيل الوسخ .. نشراه ف عز الضهر
شمتوا كلاب السكك واستهزءوا بيا
سلبونى سيف عزتى .... واستفردوا بالمهر
خايف من اللى جاى ... نبت الشقا طارح
العتمة ع الأبواب ... سحبانا لـ امبارح
الدم تمنه دم ... مش تمنه نتسامح
جامح يا خيل الجشع .. يا ابو زفة ظباطى
يا دولة المهيصة والضحك ع الفاضى
يا دولة المريسة بين عسكرى وقاضى
يا دولة المتعسة لمعارضة كدابة
واخوان ديابة بتنهش فيا وتراضى
وكأنى مش موجود بيقسموا التركة
وقالولى لو زعلان اشرب من البركة
حطينا ايدنا خلاص ع العزبة والشركة
وانت مالكش مكان ...
هياها نفس السِّحن والخامة والماركة
هياها نفس المِحن فوق القلوب باركة
دخلوا الفراودة السجون .. لعبوا اللى ع الدكة
مكفاهمش اللى ضاع بيبصوا للفكة
بهاء توفيق
19/10/2012
هنا ...مالطة___ بهاء توفيق
الاثنين، 20 ديسمبر 2010
افتتاح مركز احمد بهاءالدين بالدوير - اسيوط
بحضور كوكبة من المفكرين
افتتاح مركز أحمد بهاء الدين الثقافي بالدوير وتكريم 95 فائزاً من أبناء أسيوط
أسيوط/
بمشاركة كوكبة من المفكرين والأدباء في العالم العربي افتتح الدكتور زياد بهاء الدين رئيس هيئة الرقابة المالية (نجل أحمد بهاء الدين) واللواء نبيل العزبي محافظ أسيوط أول مركز ثقافي وحضاري في قرية مصرية أنشأته جمعية أصدقاء أحمد بهاء الدين بقرية الدوير بمركز صدفا بأسيوط حيث مسقط رأس الراحل وذلك بتكلفة 7 ملايين جنيه، وشارك في الإفتتاح الوزير الأخضر الإبراهيمي وزير خارجية الجزائر سابقاً والوزير المفوض في الأمم المتحدة سابقاً والمفكر محمد عبد المحسن القطان رئيس مؤسسة القطان بلندن والمفكر عبد الله النبياري عضو مجلس الأمة الكويتي والمفكر الدكتور جلال أمين والمفكر الدكتور محمد البلغار والأستاذ محمد سلماوي رئيس اتحاد كتاب مصر و ابراهيم المعلم رئيس دار الشروق واتحاد الناشرين العرب ومحمد حمدي مدير مكتبة القاهرة الكبري والأستاذ مصطفي نبيل رئيس تحرير دار الهلال والدكتور سمير رضوان أستاذ الاقتصاد وعضو مجلس الشعب والاستاذة ليلي الدروبي الناشرة السورية الشهيرة، وكبار الكتاب مثل فهمي هويدي و مصباح قطب وأميمة كامل ومنال لاشين ولبيبة شاهين وماجدة خضر ورانيا نبيل ومصطفي عبد الله وهبه صالح، والأديب حزين عمر نائب رئيس تحرير المساء والأستاذ محمود حبيب نائب رئيس تحرير الأخبار فضلا عن الأستاذة ليلي بهاء الدين السفيرة بوزاة الخارجية فضلاً عن الأستاذة ديزي بهاء الدين زوجة المفكر الراحل أحمد بهاء الدين ورفيقة كفاحه. بالإضافة للعديد من كبار الصحفيين بمختلف الصحف العربية والأجنبية والعديد من الأدباء والفائزين بجوائز الدولة التشجيعية في العلوم الاجتماعية والآداب.
تفقد المفكرين والكتاب بصحبة أسرة بهاء الدين وعائلته قاعات المركز الثقافي المخصصة لأنشطة الحاسب الآلي واللغات والمسرح والموسيقى والفن التشكيلي إضافة لمكتبة أحمد بهاء الدين التي تضم 20 ألف كتاب في مختلف نواحي المعرفة ومكتبة الدكتور محجوب عمر المتخصصة والتي تضم 16 ألف كتاب عن القضية الفلسطينية ومكتبة الطفل إضافة إلى عدة قاعات متنوعة الأغراض كما تفقد الضيوف معرض الرسم والتصوير والمنحوتات لفناني أسيوط والمنيا وسوهاج وقدم الدكتور زياد بهاء الدين عرضاً عن المركز الثقافي ورؤيته الثقافية واستهدافاته ومراحل إنشائه وعرض مجموعة من شباب أسيوط فيلماً وثائقياً حول أنشطة المركز الثقافي والخدمات التي يقدمها كما قام المشاركين بتكريم 95 شاباً وفتاة من الفائزين بجوائز المسابقة الثقافية الخامسة للجمعية في مجالات القراءة والشعر والقصة والرواية والمسرح وأدب الطفل والترجمة والرسم والتصوير ومجلة الحائط والكمبيوتر والقرآن الكريم والمعلومات العامة بإجمالي 40 ألف جنيه.
أكد المحافظ في كلمته على أهمية الثقافة في التنمية والارتقاء بالإنسان مشيداً بدور القطاع الأهلي في دعم مسيرة التنمية بأسيوط وجمعية أحمد بهاء الدين على جهدها في دعم الثقافة وإصرارها على إنشاء المركز في قرية الدوير مما يجعله حدثاً فريداً لم يحدث في أي مكان فى دول الشرق الأوسط خاصة بإمكانياتها التي لم تتاح في قرية من قبل وذلك بهدف تحقيق أعلي معدلات للتنمية البشرية لأبناء القرية فضلاً عن اكتشاف المواهب ورعايتها فيما عبر الدكتور زياد بهاء الدين عن سعادته بالتفاف أهالي صدفا والدوير حول الجمعية وانتهاء العمل بالمركز الثقافي الذي استغرق قرابة 36 شهراً بتكلفة 7مليون جنيه شاكراً كل من ساهم في أن يصبح هذا المركز الثقافي حقيقة واقعة على أرض الدوير ليكون منبراً لفكر أحمد بهاء الدين وراعياً للمواهب في صعيد مصر.
في حين أوضح الدكتور زياد بهاء الدين في كلمته تقديره لكل من ساهموا في إنشاء المركز الثقافي من المفكرين وأعضاء الجمعية ومؤسسة القطان وأمير قطر وأصدقاء بهاء في الكويت مضيفاً أن الجمعية أستطاعت انجاز 350 يوماً من العمل التطوعي في عشق بهاء الدين بأسيوط منها تنفيذ 75 يوماً ثقافياً و100 ندوة ولقاء أدبي استفاد منها 7 آلاف شاب بأسيوط ( واشتملت الأيام الثقافية على أنشطة محاضرات فكرية، ومسابقات معلومات عامة وأوائل الطلبة، وتدريبات على التنمية البشرية، ونشاط مسرحي وموسيقي وغنائي وورش فنون تشكيلية)، بالإضافة لتنفيذ 15 مسابقة منها 10 مسابقات سنوية لشباب الكتاب على مستوي الوطن العربي بقيم تجاوزت نصف مليون جنيه، و5 مسابقات سنوية ثقافية لأبناء الصعيد تضم 15 مجالاً ثقافياً في الآداب والفنون التشكيلية والإعلام والأبحاث التنموية وغيرها بقيم تجاوزت 350 ألف جنيه، بالإضافة لطباعة 19 كتاباً للموهوبين والمبدعين من شباب مصر والصعيد منها مجمل أعمال الفنان عبد الغني أبو العينين واغتصاب الذاكرة لإيهاب الحضري وفلسطينيات لأمال عويضة وتاريخ الرسم الصحفي مصر لناصر عراق والاتجاهات الأدبية والنقدية الحديثة لمحمود العشيري، فضلاً عن التبرع لإنشاء مدرسة إعدادية بقرية الدوير بتكلفة 250 ألف جنيه، وتنفيذ 11 مكتبة لعدد 11 مدرسة في الصعيد ، بالإضافة لإقامة 15 مسرح متنقل للقري بالصعيد، وتنفيذ 35 ورشة عمل للقضايا المجتمعية بالصعيد، وعدد 25 دورة تدريبية للتنمية البشرية واللغات والحاسب الآلي بالصعيد، وهو ما مكن الجمعية من اكتشاف 125 طفلاً موهوباً بمدارس القري الفقيرة، يحرص المركز الثقافي الآن وبعد إنشائه على تقديم كافة أوجه الرعاية اللازمة لهم لتنمية الحس الإبداعي وإطلاق قدراتهم الفكرية، إيماناً من الجمعية بأن الإنجاز الحقيقي والتنمية تبدأ من الإنسان صانعها.
وأوضح محمود عبد الحميد مدير عام الجمعية أن المركز يضم أول مكتبة متخصصة في القضية الفلسطينية تضم 16 ألف كتاب مهداة من الدكتور محمد محجوب ، ومكتبة أحمد بهاء الدين الشخصية، ومكتبة بحثية ، ومكتبة للأطفال ، وأول فرع لبيت العود بالقاهرة بمشاركة ورعاية الموسيقار نصير شمة ، وأول بيت لرعاية التراث في صعيد مصر ، وأول بيت لحماية الآلآت التراثية من الإندثار ، وبيتاً لتوثيق السيرة الهلالية وإنشاء فرقة لها في مركز بهاء الدين ، وأول بيتاً للفنون الشعبية في قرية مصرية ، وأول بيتاً للفنون التشكيلية في قرية مصرية ، بالإضافة لفنون التمثيل والموسيقي والغناء ومسرحاً للعرائس ، وقاعات لتعليم اللغات والكمبيوتر، وقاعات للآداب ، وورش لتدريب فنون الإعلام والإتصال لإخراج نوابغ أخري لهذا الوطن، فضلاً عن بيتاً لتحفيظ القرآن الكريم، ووحدة الدراسات والبحوث (والتي تهتم بإجراء بحوث واقعية لتنمية المجتمع)
السبت، 10 أكتوبر 2009
منتدى ايجى نت
منتدى ايجى نت هو اخر الصفحات الالكترونية التى تم نشرها على الانترنت وهذا المنتدى هو نتاج شخصى وتصميم خاص بى
ارجوا منكم زيارة هذ المنتدى والتسجيل فية حتى نستفيد من خبراتكم وان شاء الله " يعجبكم "
انا فى انتظاركم على الرابط التالى
منتدى بهاء توفيق
السبت، 7 مارس 2009
قصيدة "خد كلابك يحرسوك" للشاعر بهاء توفيق
خد كلابك يحرسوك
يابن طين الأرض ناسك …
جوا جوف الأرض بكره هيدفنوك
بكره عن قتلك عيالنا…
واكل مالنا هيسألوك
فالأصح تخلّى بالك
او بقول تعمل حسابك..
خد كلابك وانت رايح يحرسوك
****
اجمع الدولارات وستف
ملياراتك فى البنوك
سيبنا ناكل بعض واسمح …
للديابة يمجدوك
سيبنا ناكل طوب وبرطع ..
عيش كما عيشة الملوك
بكره من زقوم جهنم يملوا بطنك
والحميم هيشرّبوك
قوللى كام مليار هتدفع ….
لجل منها يطلعوك
****
قول يا فرعون الحداثة …
السياسة انك تجوع شعب لجل ما يعبدوك
او بايدك تعمى عين اللى على اصلك شافوك
او تهيف شعب كورة …
لجل ما يغضوا بصرهم عن فضايحك ويسيبوك
سودنا عيش واخرب بيوتنا ..
وادبح اللى يكلموك
بكره هتحس بعمايلك
لما بمقامع جهنم …يربطوا ويسلسلوك
لما صبح وليل على النار يعرضوك
لما فوق الجمر تغلى ..ويسحلوك
قوللى كام مليار هتدفع…
لجل منها يطلعوك
فالأصح تخلّى بالك
او بقول تعمل حسابك
خد كلابك وانت رايح يحرسوك
بهاء توفيق
الجمعة، 18 أبريل 2008
يا حبيبة .....للشاعر بهاء توفيق
لما بابعد بعدى عنك يا حبيبة مش بإيــــــــــــــــدى
رغم بعدك عنى لكن ساكنه شريانـــــــــى ووريدى
ساكنه نبض القلب ساكنه جوه حبـــــــــــات العيون
يا جميله وفين ما اكون انتـى بتكونــــــــــى نشيدى
****
الحنين اللى فـ عينيا بان عليا من بعــــــــــــــــادك
دانتى اغلى حاجة فيا انتــــــــــــــــى ليا ولـ ولادك
انتى ست الحسن كله باسمعك عنــــــــــــــوة رقيقة
المحال جنبك حقيقة ياللـــــــــــــى شغلانى بودادك
****
قالوا ياما عليكــــــــــــــى ياما ياللى عنى متوهانى
اللــى يشـــــــــــرب نبع نيلك راح يعــود للنبع تانى
شـــــوفى عاد وانا حتة منك جوه منى تلاقى خيرك
مهما طفت وشفت غيرك برضوا عارف فين مكانى
****
بعترينـــى ولملمينـــى وارسمينى فوق حيطانك
حلم نيلى لون عيونك حلم اخضر لون غيطانـك
اصلى لما عشقت حسنك قلبى دوّب نفسه فيكـى
ياللى شغلانى بعينيكى قلبى طول اللعمر صانك
****
فـ المعابد يا حبيبتى ع الحيطان حفروا جــــدودى
الحضارة والأصالة والصمود اللى فـ وجــــــودى
وانا لولا يا عمرى عارف مين الهى اللى خالقنى
كنت للأهرام اسبّح ولترابك كان ســــــــــجودى
بهاء توفيق
منفلوط /2000
الأربعاء، 19 مارس 2008
الجنازة
الجنازة
الليل شبح...!!
منقوش على كل الوشوش
الخوف بيتحدى الجيوش
فمتتعبوش...
وتحاولوا تعديل المسار
لا .. انتصار
للى ارتضى يوم الخضوع
للى ارتضى يوم المهانة ولستكانة والخنوع
للى ارتضى انه يموت
دافن حركته وكلمته جوا السكوت
تحت البيوت الميته
كل المواسم شكلها اصبح شتا
طالعه الجنازة بس ليه مش ملفته
يا ايها الميت هناك ...
يا ايها الميت هنا ...
لو كان كلامى هيجرحك
اسف انا
الحق لجل ما ينتصر محتاج لميت مليون سنه
فبلاش تموت
يا تموت مفجر الف دانه فـ سكتك
يا بلاش تموت
يا تموت تصحى الميتين من صرختك
يا بلاش تموت
يا تموت محرر غنوتك مع ضحكتك
يا بلاش تموت
يا ايها الميت هناك
واقف بترمى ليه حجر
وبترمى ليه روحك هدر
فاكر حجارتك يوم هتصنع معجزة
فاكر اذا ....
شفنا الكفن راح ننتفض
حتى الدموع جوا العيون متتعززة
يا ايها الميت هناك
كل الخلايا فـ جتتى متنرفزة
صورتك بدمك فى عقول كل البشر متبروزة
فـ لمين بتعلن لنتفاضة ولحتجاج
كل العيون ملت خلاص من رؤيتك
كل الودان تعبت خلاص من صرختك
كل القلوب مفهاش مكان
تحزن تحن لمحنتك
فلمين بتعلن لنتفاضة ولحتجاج
يا ايها الميت هناك
يا تموت شهيد....
ويموت قصادك الف قرد من القرود الاغبيا
يا بلاش تموت
محناش ف عهد المعجزات والانبيا
علشان حجر يصنع لوحده الانتصار
عمر الشهادة والبطولة فى يوم ما كانوا انتحار
عمر النهار.... ما هييجى صدفة لارضنا
يا ايها الميت هناك
لو كان كلامى جرحك
اسف انا.... اسف انا ....اسف انا
بهاء توفيق
منفلوط
14-3-2001
فانتازيا
فانتــــــــازيا
مزج اول :
النص واقف فـ الشمال ...
العرض شغال فـ اليمين
اتخانق النقاد سوى ...
اتخانق المتفرجين
تقسيمة تشبه قتل سيدنا الحسين
تغريبة من عهد الهلالى
ف الف ليلة والف بحر والف كلمة والف حرف مفردين
مع الف فكرة بتتخنق جوا الصدور
كان السيناريو والحوار وجميع شخوص العرض .....
واقفين ف الطابور
الارض بتفرق سكك
الشمس بور
العتمة ما بتفرقش ابداً برة او جوا القبور
فاستسلمى يا نفس ليا وابدائى حالة كمون
جسدى المهيأ للسكن اصبح مهيأ للسكون
طعم الجنون لساه يا موت متملكك
اطلق بخور عريك على كل الملا من غير خشا
كمل طقوس الانتشا واشربنى كاس
لملم حدودى كلها من راسى ولحد المداس
اصلبنى بين المستحيل والممكنه
علقنى بين اللا مكان والامكنه
لسه الدروب السد مستنيه نور
***
مزج أخر :
اغزلنى معزوفة بكا للصيادين
الحزن دمى وغنوتى ....
الحزن وقت الكفر دين
البحر دوره ماهوش محدد ع الورق ....
من حقه انه ينسحب لو حس ان الدور مهين
للبحر شخصية نبى ....
وبلدنا بكر عروسة بنحنيها ليه
فيمد يلمس جسمها كله بعينيه
البحر مدد جسمه يحضن شطها ويحل ضفايرها بأيديه
حاول يفك طلاسم المجهول هوى
ما ضل صاحبكم وما - ابدا -غوى
لكن دوره بينتهى قبل الولوج
فيشد نفسه وينسحب ..!!
مشهد خرافى بتصنعه حالة غضب
وانا كنت فاكر انه حافظ دوره صم
الكادر اصفى من الفضى
لكنه كان مصبوغ بدم ..!!!
****
مزج ثالث :
تعبت شواشى النخل من برد الشتا
فاتقرفصت جنب الكانون ...
تتلقى من صهده الدفا
كان الكانون طيب قوى
خاف ع الشواشى لتنحرق
اختار تعيش....
واختار لنفسه الموت
........... طفى !!!
****
قطع مفاجئ :
للعلم بس ...
الشمس لونها رمادى مش بمبى
قلقانه تظهر تختفى جنبى
***
مزج اخير :
الحلم تكعيبة عنب على كل دار
الحلم اقوى من الدفا /البرد/الليل /النهار
الحلم شباك للسما
مرجيحة بتطوحنا فوق
من خاف من الحلم اتحرم
تلاقيه يفوق
الشمس دورها يبتدى ....
فترش حبة ضى على وش القمر يتهد
سلم خشب .... على سطح بيتنا .... فـ حارة سد
بهاء توفيق
منفلوط
2001
هدى
هــــــــــدى
الذنب ذنبك يا هدى..!!
انتى اللى فهمك كان غلط
انتى اللى بوحتى بسرنا....
وقت السكوت المفترض
فـ ازاى قدرتى تعملى قلبك جريح ..؟؟
وبأى حق بتعلنى نفسك مسيح ..؟؟
شايل على كتافة الالم
وانا مش مهيأ للبكا او للنواح
ف بأى حق بتسكتى ..
لحظة ما عينى بتلمحك وبتقتلى حلم البراح
وترشى ف ودان الطرق ...
حبة دموع ..فتسدهم
فميسمعوش ابدا لصوتى
وصرختى.... بتضيع سدى
الذنب ذنبك يا هدى
*****
ازاى قدرتى تخدعينى ...
وتسبكى دور الملاك..؟؟
وانتى الهلاك ..!!
بتطلعينى المتهم...!!
الذنب ذنبى وغلطتى انى بحبك من زمان
انى عشقتك طيبة.. وقريبة.. وكلك حنان
انى وصلت باندفاعى ناحيتك حد الجنان
ففتحت لك 2000 طريق على سكتى
واشتقتلك وانتى معايا فى خطوتى
ياللى عشانك كنت باصنع ضحكتى...
حتى ف اوقات الشقى
افهم بقى ...!!
هى دى كانت كلمتك ......مفهمتهاش
انا محتجالك...!!
برضو كانت كلمتك ...... مسمعتهاش
فـ بدأتى وحدك تزرعى شجر الجفا
ورويتى زرعك بالخصام
فجأة وهزيتى الشجر...
سقط الوجع..!!
خلى ما بين ايدك وايدى 1000 عام
شتت هوانا وفرحنا جوه المدى
الذنب ذنبك يا هدى
*****
الذنب ذنبك يا هدى فـ متزعليش
فلئن حاولتى ترجعيلى ....مترجعيش
لو ليا هتكونى الحياة رافض اعيش
كافر بكل مبادئ الحب الغبى
لانتى الصبية اللى بيتمناها قلبى...
لو رجعت اكون صبى
انتى مجرد غيمة عدت ف السما
مسابتش لـيا غير حوف متألمة وحبة سكات
الحب قبل ما يتولد كان طب مات
فبقيت انا وانتى سوى زى العدا
الذنب ذنبك ولا مش ذنبك خلاص....
انسى الحكاية يا هدى
انسى... الحكاية... يا.... هدى
بهاء احمد توفيق
منفلوط -2001